To Samajhna, Bhot Zarurat Hai Tumhari

Google+ Pinterest LinkedIn Tumblr +

Agar main kahu ki nahi chahiye sath tumhara ,
toh bas samjh jana bahut Zarurat hai tumhari ,
bhai ke jaise girne se bachana
Agar nahi, to bas chale mat jana.
Bas ek baar kaha dena ki vishwas hai mujhpe
Aur ho sake toh mujhe zor se seene se lagana.

par Wahi rehna

Agar main kaha du ki nahi chahiye sath tumhara ,
toh bas samjh jana bahut Zarurat hai tumhari ,
Bas naraz mat hona,
maa ki tarah sir par hath pher dena,
Pyar se puchkar dena ,
Dariya me doobne se bacha lena,
ho sake toh aanchal mein chupa lena .

par Wahi rehna

Agar main kaha du ki nahi chahiye sath tumhara ,
toh bas samjh jana bahut Zarurat hai tumhari ,
Chahe to dant dena ,
pita ki tarah zindagi ke tajurbe batana ,
Seekh dene ke naye naye pul bandhna ,
duniya se chupa lena,
Aur ho sake toh bas ek bar kaha dena ki mujhpe guroor hai tumhe ,

par Wahi rehna

Agar main bar-bar, zor-zor se keh bhi du ki nahi chahiye sath tumhara ,
toh samjh lena kuch zada hi Zarurat hai tumhari !

– Ankit Aggarwal

Share.

About Author

CA by day, wanderer by night. I put the pun in punishment and ease in sleaze. Footballer | Comic | Writer | Singer | Entrepreneur

Leave A Reply